తమిళ సినీ స్టార్ రజనీకాంత్‌పై మరో తమిళ సినీస్టార్, డీఎండీకే అధినేత విజయ్‌కాంత్ చేసిన వ్యాఖ్యలు వివాదాస్పదమయ్యాయి. ఎన్నికల ప్రచారంలో భాగంగా రాజకీయ నాయకులు భయపెడితే భయపడటానికి తానేమీ రజనీకాంత్‌లాగా పిరికివాడిని కాదంటూ కెప్టెన్ (విజయ్‌కాంత్) చేసిన వ్యాఖ్యలు తమిళనాట పెనుదుమారాన్ని రేపాయి.కెప్టెన్ వ్యాఖ్యలపై రజనీకాంత్ అభిమానులు తీవ్ర ఆగ్రహాన్ని వ్యక్తం చేస్తున్నారు. కెప్టెన్ వ్యాఖ్యలకు నిరసనగా తమిళనాడులోని పలుప్రాంతాల్లో విజయ్‌కాంత్ దిష్టిబొమ్మను దహనం చేశారు. విజయ్‌కాంత్ గతంలో పలు సందర్భాల్లో వివాదాస్పద వ్యాఖ్యలు చేస్తూ వార్తల్లోకెక్కిన విషయం తెలిసిందే.