షార్జా :  షార్జా లో తప్పిపోయిన బాలిక అచూకీని పోలీసులు కనుగొన్నారు. సీసీటీవీ కెమెరా పుటేజ్ ద్వారా బాలిక లోకేషన్ ను గుర్తించారు. ఆమెను క్షేమంగా వారి తల్లితండ్రులకు అప్పగించారు. ఐతే బాలిక తప్పిపోవటంతో ఆమెను ఎవరో కిడ్నాప్ చేశారని అంతా భావించారు. సోషల్ మీడియా లో చిన్నారి కిడ్నాప్ అయినట్లు ప్రచారం జరిగింది. దీంతో కేసును ఛాలెంజ్ గా తీసుకున్న పోలీసులు ప్రత్యేక టీమ్ ను ఏర్పాటు చేశారు. సీసీటీవీ కెమెరా ఫుటేజ్ ను జల్లెడ పట్టి మొత్తానికి అమ్మాయి అచూకీ కనుగొన్నారు. ఇంటి అడ్రస్ మరిచిపోయిన కారణంగానే బాలిక తప్పిపోయినట్లు పోలీసులు గుర్తించారు. ఆమె ను ఎవరూ కిడ్నాప్ చేయలేదని చెప్పారు. పూర్తి సమాచారం తెలుసుకోకుండా తప్పుడు వార్తలను సోషల్ మీడియాలో ప్రచారం చేయవద్దని నెటిజన్స్ కు సూచించారు.