బహ్రెయిన్ : బహ్రెయిన్ లో తొలిసారిగా జరుగనున్న ఫిల్ హార్మోనిక్ ఆర్కెస్ట్రా కార్యక్రమం టికెట్ల అమ్మకాలు ప్రారంభమైనట్లు బహ్రెయిన్ అథారిటీ ఫర్ కల్చర్ అండ్ యాంటిక్విటీస్ (BACA) ప్రకటించింది. 31 వ  బహ్రెయిన్ ఇంటర్నేషనల్ మ్యూజికల్ ఫెస్టివల్ అక్టోబర్ 1 నుంచి 7 వరకు జరగనుంది. ఈ కార్యక్రమాన్ని మాస్ట్రో డాక్టర్ ముబారక్ నజ్మ్ నేతృత్వంలోని  ఆర్కెస్ట్రా కార్యక్రమం ద్వారా ప్రారంభించనున్నారు. అక్టోబర్ 1న బహ్రెయిన్ నేషనల్ థియేటర్‌లో డాక్టర్ ముబారక్ నజ్మ్ ఆధ్వర్యంలో ఆర్కెస్ట్రా నిర్వహించనున్నారు. ఈ కార్యక్రమం టికెట్లను  వర్జిన్ మెగాస్టోర్, బహ్రెయిన్ సిటీ సెంటర్ సహా పలు స్టోర్‌లు, వెబ్‌సైట్‌లలో అందుబాటులో ఉంచారు. బహ్రెయిన్ సాంస్కృతిక, అరబిక్ మెలోడి కి సంబంధించిన పాటలను ఈ ఆర్కెస్ట్రాలో పాడనున్నారు.