బహ్రెయిన్: ఎలక్ట్రిసిటీ అండ్ వాటర్ అథారిటీ (EWA) ఎలక్ట్రిసిటీ అండ్ వాటర్ ట్రాన్స్‌మిషన్ అండ్ డిస్ట్రిబ్యూషన్ నెట్‌వర్క్‌ల నియంత్రణ కేంద్రాన్ని విద్యుత్, నీటి వ్యవహారాల శాఖ మంత్రి యాసర్ బిన్ ఇబ్రహీం హుమైదాన్ సందర్శించారు. కేంద్రంలోని పనుల పురోగతిని, సేవల నాణ్యత, అత్యవసర పరిస్థితుల్లో స్పందించే తీరును మంత్రి స్వయంగా పరిశీలించారు. ఈ సందర్భంగా మంత్రి ఇబ్రహీం హుమైదాన్ మాట్లాడుతూ.. నియంత్రణ కేంద్రంలోని పర్యవేక్షణ, ఆపరేషన్ ప్రక్రియలు అధిక స్థాయి సంసిద్ధత, విశ్వసనీయతను పెంచుతాయన్నారు. బహ్రెయిన్‌లో మౌలిక సదుపాయాలు, ఇంధన స్థిరత్వం రంగంలో లక్ష్యాలను సాధించడానికి అధిక ప్రాధాన్యం ఇస్తామన్నారు. ఇందుకోసం నియంత్రణ యంత్రాంగాల అభివృద్ధిని నిరంతరం పర్యవేక్షించనున్నట్లు తెలిపారు. విద్యుత్, నీటి పంపిణీ నెట్‌వర్క్ ప్రాథమిక పనితీరు సూచికలను మెరుగును కొనసాగిస్తామని మంత్రి ఇబ్రహీం హుమైదాన్ తెలిపారు.