యూఏఈ:  అబుధాబిలో నిర్మాణంలో ఉన్న ఓ మస్జీదు పాక్షికంగా కూలిపోయింది. ఈ ఘటనలో గాయపడిన వారిని అధికారులు ఆసుపత్రికి తరలించారు. అల్ బతీన్ ప్రాంతంలో నిర్మాణంలో ఉన్న మస్జీదులో కొంత భాగం కూలిపోయిన ప్రదేశాన్ని సమాచారం అందగానే అబుధాబి పోలీసులు, అబుదాబి సివిల్ డిఫెన్స్ అథారిటీ బృందాలు చేరుకొని అక్కడున్న వారిని సురక్షితంగా బయటకు తీసుకొచ్చినట్లు పోలీసు ఉన్నతాధికారులు చేసిన ట్వీట్ లో పేర్కొన్నారు. ఈ ఘటనలో కొందరికి స్వల్ప గాయాలు కాగా.. వారిని ఆస్పత్రికి తరలించినట్లు తెలిపారు. కూలిన మస్జీదును చూసేందుకు ఎవరూ రావొద్దని, అధికారిక మార్గాల ద్వారా వచ్చే సమాచారాన్ని మాత్రమే అనుసరించాలని ప్రజలకు అబుధాబి పోలీసులు కోరారు.