కువైట్: స్కై ట్రాక్స్ ఇండెక్స్ లో కువైట్ ఎయిర్ వేస్ మెరుగైన స్థానాన్ని దక్కించుకుంది. ప్రపంచంలోని ఎయిర్ లైన్స్ సంస్థల పనితీరును బట్టి యూకే కు చెందిన స్కై ట్రాక్స్ ర్యాంకులు ప్రకటిస్తుంది. ఈ ఏడాది కువైట్ ఎయిర్ వేస్ 76 వ ర్యాంక్ సాధించింది. గతేడాది 103 స్థానంలో ఉన్న ఎయిర్ వేస్ ఈ సారి 76 స్థానం దక్కించుకోవటం విశేషం. దీనిపై కువైట్ ఎయిర్ వేస్ మేనేజ్ మెంట్ సంతృప్తి వ్యక్తం చేసింది. సంస్థ ఉద్యోగులు, సిబ్బంది కష్టపడి పనిచేయటం కారణంగా ఈ ర్యాంక్ వచ్చిందని తెలిపింది. భవిష్యత్ లో ప్రయాణికులకు మరింత మెరుగైన సేవలను అందిస్తామని ఓ ప్రకటనలో పేర్కొంది.