బహ్రెయిన్ : బహ్రెయిన్ లోని హురా అలీ రెసిడెన్షియల్ ఏరియాలోని ఓ అపార్ట్ మెంట్ లో అగ్నిప్రమాదం జరిగింది. ఈ ఘటనలో ముగ్గురికి స్వల్పంగా గాయాలయ్యాయి. ఫైర్ సిబ్బంది సకాలంలో స్పందించటంతో పెద్ద ప్రమాదం తప్పింది. గాయాలైన వారిని హాస్పిటల్ లో చేర్పించారు. అగ్ని ప్రమాదం సమాచారం తెలిసిన వెంటనే సివిల్ డిఫెన్స్ ఫోర్స్ బృందాలు రంగంలోకి దిగాయి. మంటలు ఇతర ప్రాంతాలకు వ్యాపించకుండా చర్యలు తీసుకున్నారు. అటు ఒక్కసారిగా అపార్ట్ మెంట్ నుంచి పెద్ద ఎత్తున పొగలు వచ్చాయని ఆ తర్వాత మంటలు కనిపించాయని స్థానికులు చెప్పారు. ప్రమాదానికి కారణాలు తెలియాల్సి ఉంది. పోలీసులు కేసు నమోదు చేసుకొని దర్యాప్తు చేస్తున్నారు.