మస్కట్: విలాయత్ బౌషర్‌లో లైసెన్స్  లేకుండా అక్రమంగా వంటశాలను నడుపుతున్న అరబ్ కార్మికులకు చెందిన ఇంటిపై మస్కట్ మునిసిపాలిటీ అధికారులు దాడి చేశారు. రాయల్ ఒమన్ పోలీసులు, పబ్లిక్ ప్రాసిక్యూషన్‌ సమన్వయంతో  దాడులు నిర్వహించిన్నట్లు మస్కట్ మునిసిపాలిటీ తెలిపింది. బౌషర్‌లో అరబ్ కార్మికులు నివసించే అపార్ట్‌మెంట్‌లో వాణిజ్య పరిమాణంలో భోజనం తయారు చేసి విక్రయిస్తున్నారని, ఇది ఆరోగ్య నిబంధనల  ఉల్లంఘన కిందకు వస్తుందన్నారు. దీనితోపాటు మస్కట్ గవర్నరేట్‌లోని భవనాల వినియోగాన్ని నియంత్రించే నిబంధనలకు కూడా విరుద్ధమని మస్కట్ మునిసిపాలిటీ వెల్లడించింది.