రియాద్: ప్రవాసులు తమ నివాస అనుమతి (ఇఖామా)లో తమ వ్యక్తిగత ఫోటోను మార్చుకోవచ్చని జనరల్ డైరెక్టరేట్ ఆఫ్ పాస్‌పోర్ట్స్ (జవాజత్) వెల్లడించింది. జవాజత్ ఆఫీస్‌లో ముందుగా అపాయింట్‌మెంట్ బుక్ చేసుకోవాలని, కేటాయించిన సమయంలో ఆఫీస్‌కు వ్యక్తిగతంగా హాజరుకావాలని సూచించింది. అలాగే చెల్లుబాటులో ఉన్న పాస్‌పోర్ట్ ని తమవెంట తెచ్చుకోవాలని జవాజత్ తెలిపింది. పాస్‌పోర్ట్‌లోని వ్యక్తిగత ఫోటో మార్చేందుకు ఇటీవల తీయించుకున్న( మొఖం కన్పించేలా) ఫోటో తీసుకొని కార్యాలయంలోని అధికారులను సంప్రదించాలని జవాజత్ వెల్లడించింది.