దుబాయ్: మొహమ్మద్  ప్రవక్త (స) జన్మదినం సందర్భంగా అక్టోబర్ 8న(శనివారం) బహుళ-స్థాయి టెర్మినల్స్ మినహా దుబాయ్‌లోని అన్ని పబ్లిక్ పార్కింగ్ ప్రాంతాల్లో ఉచిత పార్కింగ్ సదుపాయాన్ని కల్పించనున్నారు. ఈ మేరకు దుబాయ్ ట్రాఫిక్ అధికారులు వెల్లడించారు. మొహమ్మద్ ప్రవక్త (స) జన్మదినం సందర్భంగా వాహనదారులకు ఉచిత టోల్, పార్కింగ్ సదుపాయాన్ని అబుధాబిలో ప్రకటించింది. షార్జా కూడా చాలా ప్రాంతాల్లో ఉచిత పార్కింగ్ సదుపాయాన్ని వాహనదారులకు కల్పించింది.  చాలా ఇస్లామిక్ దేశాల్లో ముహమ్మద్ ప్రవక్త పుట్టినరోజు 12 రబీ అల్-అవ్వల్ 1444న జరుపుకుంటారు. ఇది ఇస్లామిక్ క్యాలెండర్‌లో మూడవ నెల. యూఏఈలోని ప్రభుత్వ, ప్రైవేట్ రంగ ఉద్యోగులందరికీ అధికారికంగా శనివారం అక్టోబర్ 8న పెయిడ్ హాలిడేగా ప్రకటించిన విషయం తెలిసిందే.