దుబాయ్: మాజీ భార్య వీడియోలను అసభ్యకరరీతిలో సోషల్ మీడియాలో షేర్ చేసిన వ్యక్తికి దుబాయ్ క్రిమినల్ కోర్టు మూడు నెలల జైలు శిక్ష విధించింది. శిక్ష పూర్తైన తర్వాత అతన్ని నగర బహిష్కరణ చేయాలని పోలీసులను ఆదేశించింది. కేసు వివరాల్లోకి వెళితే గత ఏడాది అక్టోబరులో ఓ మహిళకు తన ఫోటోలు, వీడియోలు సోషల్ మీడియాలో పోస్ట్ చేయకుండా ఉండాలంటే 10 వేల డాలర్లు ఇవ్వాలంటూ మెసేజ్ వచ్చింది. బాధితురాలు అసభ్యకరంగా ఉన్న ఓ క్లిప్ కూడా ఆమె మొబైల్ కు వచ్చింది. దీంతో ఆ మహిళ పోలీసులను సంప్రదించింది. తన మాజీ భర్త పై అనుమానం వ్యక్తం చేసింది. పోలీసులు ఆ వ్యక్తిని అరెస్ట్ చేసి విచారించగా నేరం తానే చేశానని ఒప్పుకున్నాడు. దీంతో కోర్టు అతనికి మూడు నెలల పాటు జైలు శిక్ష విధించింది.