మస్కట్: ఒమన్‌లో రిజిస్ట్రేషన్ అయిన వాహనాలకే ఇంధన సబ్సిడీ వర్తిస్తుందని ఒమన్ జాతీయ సబ్సిడీ వ్యవస్థ ప్రకటించింది. 2022 నవంబర్ నుంచి ఈ కొత్త నిబంధనలు అమల్లోకి వస్తాయని వెల్లడించింది. గ్యాస్ స్టేషన్‌లలో నేషనల్ ఫ్యూయల్ సబ్సిడీ కార్డ్‌ని ఉపయోగించి ఇంధనాన్ని నింపే ముందు వాహన రిజిస్ట్రేషన్‌ను ధృవీకరించడం తప్పనిసరి అని పేర్కొంది. జాతీయ ఇంధన సబ్సిడీ కార్డు ఉపయోగం జాతీయ సబ్సిడీ వ్యవస్థలో నమోదు చేయబడిన వాహనాలకు మాత్రమే పరిమితం చేయబడిందన్నారు. సుల్తానేట్‌లోని అన్ని గ్యాస్ స్టేషన్‌లలో జాతీయ ఇంధన సబ్సిడీ కార్డును ఉపయోగించి ఇంధనాన్ని నింపే ముందు వాహన రిజిస్ట్రేషన్ ధృవీకరించబడుతుందని నేషనల్ సబ్సిడీ సిస్టమ్ ప్రకటించింది.