దుబాయ్: డ్రగ్స్ మత్తులో స్తంభాన్ని ఢీకొట్టిన మహిళను అరెస్టు చేసినట్లు దుబాయ్ పోలీసులు తెలిపారు. స్తంభాన్ని ఢీకొట్టిన సమయంలో ఆమె మత్తులో ఉన్నట్లు గుర్తించినట్లు పోలీసులు వెల్లడించారు. విచారణలో ఆమె మత్తు పదార్థాలు వాడినట్లు ఒప్పుకుందని, డ్రగ్ పరీక్ష కోసం ఆమెను లేబొరేటరీకి పంపినట్లు తెలిపారు. ఆమెను దుబాయ్‌లోని పబ్లిక్ ప్రాసిక్యూషన్‌కు.. అక్కడి నుండి కోర్ట్ ఆఫ్ ఫస్ట్ ఇన్‌స్టాన్స్‌కు తరలించినట్లు పేర్కొన్నారు. ఆమెకు జరిమానాతోపాటు రాష్ట్రం నుండి బహిష్కరించాలని కోర్టు తన ఆదేశాల్లో పేర్కొన్నదని దుబాయ్ పోలీసులు వెల్లడించారు.