రియాద్: రియాద్ సీజన్ 2022ను మొదటి వారంలో ఒక మిలియన్‌ సందర్శకులు వచ్చినట్లు జనరల్ ఎంటర్‌టైన్‌మెంట్ అథారిటీ (GEA) డైరెక్టర్ల బోర్డు ఛైర్మన్ టర్కీ అల్-షేక్ వెల్లడించారు. "బియాండ్ ఇమాజినేషన్" అనే థీమ్‌తో గత శుక్రవారం రియాద్ సీజన్ 2022 3వ ఎడిషన్‌లోని ప్రారంభమైన విషయం తెలిసిందే. ఈ సీజన్‌లోని వినోద కార్యక్రమాలు, నాటకాలు, వినోద రంగాలలో అనేక అంతర్జాతీయ ప్రదర్శనలు, రెస్టారెంట్‌లు, కేఫ్‌లు, వివిధ రకాల వినోద కార్యకలాపాలు సందర్శకులను ఆకట్టుకుంటున్నాయి. రియాద్ సీజన్ వినోద రంగ పరిశ్రమ స్థాయిని పెంచడంతోపాటు ప్రపంచ వ్యాప్తంగా ఉన్న అత్యంత ప్రముఖ వినోద గమ్యస్థానాలలో ఒకటిగా రాజ్యాన్ని నిలిపిందని అథారిటీ వెల్లడించింది.