సౌదీ: నవంబర్ 1 నుండి ఖతార్‌లో జరిగే FIFA వరల్డ్ కప్ 2022కి  వెళ్లాలనుకునే వారి కోసం ప్రయాణ విధానాలను అప్‌డేట్ చేసినట్లు సౌదీ అరేబియా యొక్క జనరల్ డైరెక్టరేట్ ఆఫ్ పాస్‌పోర్ట్స్ (జవాజత్) వెల్లడించింది. మొదటిసారి ప్రపంచ కప్‌కు ఆతిథ్యం ఇస్తున్న గల్ఫ్ దేశంలోకి ప్రవేశించడానికి తప్పనిసరిగా హయ్యా కార్డును పొందాలని జవాజత్ సూచించింది. ప్రపంచ కప్ మ్యాచ్‌లు, సంబంధిత ఈవెంట్‌లకు హాజరు కావాలనుకునే వారి కోసం ఖతార్‌కు వెళ్లే ల్యాండ్, ఎయిర్ పోర్ట్‌ల ద్వారా సమర్థ ఖతారీ అధికారులు ప్రకటించిన విధానాలు నవంబర్ 1 నుండి డిసెంబర్ 23 వరకు అమలులోకి వస్తాయని డైరెక్టరేట్ పేర్కొంది.