యూఏఈ: వింటర్ సీజన్ ను పురస్కరించుకొని ఎమిరేట్స్ ఎయిర్‌లైన్స్ తన ప్రసిద్ధ మై ఎమిరేట్స్ పాస్‌ను తిరిగి తెస్తున్నట్లు ప్రకటించింది. 2022 నవంబర్ 1  నుండి 2023 మార్చి 31 వరకు  మై ఎమిరేట్స్ వింటర్ పాస్ తో యూఏఈలోని  500 కంటే ఎక్కువ ప్రదేశాలలో ప్రత్యేకమైన ఆఫర్‌లను పొందవచ్చు. వింటర్ పాస్ తో దుబాయ్‌, యూఏఈలో ప్రయాణీకులు వందలాది రిటైల్, లీజర్, డైనింగ్ అవుట్‌లెట్‌లు, లగ్జరీ స్పాలు,  ప్రత్యేక తగ్గింపులను పొందవచ్చని ఎమిరేట్స్ వెల్లడించింది. మై ఎమిరేట్స్ పాస్ ఆఫర్‌ల పూర్తి వివరాల కోసం  https://www.emirates.com/ae/english/experience/my-emirates-pass/ని సందర్శించాలని సూచించింది. దీనితోపాటు ఎమిరేట్స్ ప్రయాణీకులు టూర్ దుబాయ్ ఒక గంట క్రీక్ సందర్శన కింద క్రూయిజ్‌ కాంప్లిమెంటరీ టిక్కెట్‌ను పొందవచ్చు. అలాగే ఈ డిసెంబర్‌లో జరుగనున్న దుబాయ్ రగ్బీ సెవెన్స్, డీపీ వరల్డ్ టూర్ గోల్ఫ్ ఈవెంట్‌ల వంటి ప్రధాన క్రీడా ఈవెంట్‌లను సందర్శించవచ్చు.