సెన్సేషనల్ స్టార్ విజయ్ దేవరకొండ, స్టార్ హీరోయిన్ సమంతతో కలిసి స్క్రీన్ షేర్ చేసుకుంటున్న సినిమా ‘ఖుషీ’. ఈ సినిమాని ఈ ఏడాదిలోనే ప్రేక్షకుల ముందుకు తీసుకురావాలనుకున్నారు.
డిశంబర్‌లో సినిమాని రిలీజ్ చేసేందుకు ప్రచార చిత్రాలు కూడా సిద్ధం చేశారట. అయితే, కొన్ని కారణాల వల్ల షూటింగ్ కంప్లీట్ కాలేదనీ దాంతో రిలీజ్ టైమ్ అనుకున్న సమయం కన్నా ఇంకాస్త ఆలస్యమవుతోందని తాజాగా విజయ్ దేవరకొండ సోషల్ మీడియా ద్వారా తెలియజేశారు.
ఈ సినిమా కోసం ఆడియన్స్‌తో పాటూ, తానూ ఓ ఆడియన్‌లాగే ఎదురు చూస్తున్నానని విజయ్ చెప్పారు. సమంత మంచి నటి. ఆమెతో కలిసి నటించడం నా అదృష్టం.. సమంతపై తనకున్న ఇష్టాన్ని ఈ సందర్భంగా తెలిపాడు విజయ్ దేవరకొండ. 
వచ్చే ఏడాది ఫిబ్రవరిలో ఈ సినిమాని రిలీజ్ చేయబోతున్నామని విజయ్ తెలిపాడు. శివ నిర్వాణ దర్శకత్వంలో రొమాంటిక్ లవ్ స్టోరీగా రూపొందుతోన్న సినిమా ‘ఖుషి’. తొలి పోస్టర్, టైటిల్ నుంచే ఈ సినిమా భారీగా అంచనాలు
 క్రియేట్ చేసింది.