కువైట్: హవల్లీ ప్రాంతంలో అపార్ట్‌మెంట్‌లో శుక్రవారం సాయంత్రం అగ్నిప్రమాదం చోటుచేసుకున్నది. అయితే, సకాలంలో స్పందించిన ఫైర్ ఫైటర్స్ మంటలను అదుపు చేశారు. హవల్లీలోని అపార్ట్‌మెంట్ భవనంలోని నాల్గవ అంతస్తులో అగ్నిప్రమాదం సంభవించిందని సమాచారం అందగానే ఆపరేషన్స్ డిపార్ట్‌మెంట్ హవల్లీ, సాల్మియా కేంద్రాల నుండి అగ్నిమాపక బృందాలు ఘటన జరిగిన ప్రాంతానికి చేరుకున్నాయని ఫైర్ సర్వీస్, పబ్లిక్ రిలేషన్స్ విభాగం పేర్కొంది. అనంతరం అపార్టుమెంటులోని నివాసితులను సురక్షితంగా ఖాళీ చేయించిందని తెలిపింది. సకాలంలో మంటలను అదుపుచేయడంతో పెను ప్రమాదం తప్పిందని పేర్కొంది.