దుబాయ్: బిగ్ టికెట్ లైవ్ డ్రాలో దుబాయ్‌లో ఉండే భారతీయ హోటల్ ఉద్యోగి సజేష్ 25 మిలియన్ దిర్హామ్‌లను గెలుచుకున్నారు. NS సిరీస్ 245 గ్రాండ్ ప్రైజ్ విజేతగా సజేష్ నిలిచాడు. దుబాయ్‌లో నివాసముంటున్న సజేష్ రెండేళ్ల క్రితం ఒమన్ నుంచి యూఏఈకి వెళ్లి నాలుగేళ్లుగా ప్రతి నెలా బిగ్ టికెట్లు కొంటున్నాడు. అతను తన సహోద్యోగుల 20 మందితో కలిసి ఆన్‌లైన్‌లో గెలిచిన టిక్కెట్‌ను కొనుగోలు చేశాడు. వారందరూ ఇప్పుడు బహుమతి మొత్తాన్ని పంచుకోనున్నారు. ఈ సందర్భంగా సజేష్ మాట్లాడుతూ.. తను పని చేసే హోటల్‌లో 150 మందికి పైగా ఉద్యోగులు ఉన్నారని, తను గెలిచిన దాంట్లోంచి కొంత భాగంతో కొందరికైనా సాయం చేయాలని అనుకుంటున్నట్లు సజేష్ తెలిపారు.