అబుధాబి: వివాహ సమయంలో తన మాజీ భార్య వద్ద అప్పుగా తీసుకున్న మొత్తాన్ని తిరిగి చెల్లించాలని ఓ వ్యక్తిని అబుధాబి కుటుంబ, సివిల్, అడ్మినిస్ట్రేటివ్ కోర్టు ఆదేశించింది. కోర్టు ఫైల్స్ ప్రకారం.. తన మాజీ భర్త వివాహ సమయంలో తన నుంచి 70,000 దిర్హాన్లు అప్పుగా తీసుకున్నట్లు ఓ మహిళ కోర్టును ఆశ్రయించింది. దీనికి సంబంధించిన సాక్ష్యాలను కోర్టుకు సమర్పించింది. దీనితో పాటు కోర్టు ఫీజులు, ఖర్చులు, న్యాయవాది ఫీ, 12% చట్టపరమైన వడ్డీతో కలిపి Dhs110,000 ఇప్పించాలని కోర్టులో పిటిషన్ దాఖలు చేసింది. అన్ని సాక్ష్యాధారాలను పరిశీలించిన కోర్టు.. తన మాజీ భార్యకు Dhs110,000 చెల్లించాలని వ్యక్తిని ఆదేశించింది.