కువైట్: ప్రవాసులకు 20 వృత్తుల్లో ప్రొఫెషన్ పరీక్షలను ఆయా దేశాల్లోని కువైట్ రాయబార కార్యాలయాల భాగస్వామ్యంతో నిర్వహించడానికి చర్యలు చేపట్టినట్లు కువైట్ పబ్లిక్ అథారిటీ ఫర్ మ్యాన్‌పవర్ (PAM) ప్రకటించింది. ప్రవాసులను పరీక్షించడానికి స్మార్ట్ మెకానిజంను రూపొందించే లక్ష్యంతో ప్రవాస కార్మికులను నియమించే అగ్ర వృత్తుల జాబితాను రూపొందించినట్లు అథారిటీ పేర్కొంది. రెండు విభాగాల్లో పరీక్షలు సాగుతాయని.. ప్రాక్టికల్స్ కువైట్‌లో ఉంటాయని, థియరిటికల్ రిక్రూట్‌మెంట్ ఆయా దేశాలలో ఎంబసీల సాయంతో నిర్వహించనున్నట్లు వివరించింది. కువైట్ ఇంజనీర్స్ సొసైటీ ఇంజనీరింగ్ రంగంలోని కార్మికులకు మద్దతుగా 71 వృత్తులపై నిర్వహించే వృత్తిపరమైన పరీక్షల కోసం ఒక కేంద్రాన్ని సిద్ధం చేసినట్లు తెలిపింది.