బహ్రెయిన్: బహ్రెయిన్ ఇంటర్నేషనల్ ఎయిర్‌షో (BIAS 2022) ఆరవ ఎడిషన్ నవంబర్ 9-11 తేదీలలో జరుగనుంది. ఈ మెగా వైమానిక ఎయిర్ షోను బహ్రెయిన్ రవాణా, టెలికమ్యూనికేషన్స్ మంత్రిత్వ శాఖ, రాయల్ బహ్రెయిన్ వైమానిక దళం సంయుక్తంగా నిర్వహిస్తున్నాయి. ఎయిర్ షో 2022లో 120కిపైగా విమానాయన సంస్థలు పాల్గొంటున్నాయి. బహ్రెయిన్ తోపాటు ఐదు దేశాలు సొంత పెవిలియన్‌లను ఏర్పాటు చేయనున్నాయి. హిజ్ మెజెస్టి కింగ్ హమద్ బిన్ ఇసా అల్ ఖలీఫా ఆధ్వర్యంలో జరుగనున్న ఈ మెగా ఈవెంట్ ను హెచ్‌ఎం రాజు వ్యక్తిగత ప్రతినిధి, హయ్యర్ ఆర్గనైజింగ్ కమిటీ చైర్మన్ హిస్ హైనెస్ షేక్ అబ్దుల్లా బిన్ హమద్ అల్ ఖలీఫా పర్యవేక్షిస్తున్నారు.