అనారోగ్యంతో సమంత ఈ మధ్య సోషల్ మీడియాకి దూరంగా వుంటోన్న సంగతి తెలిసిందే. ‘యశోద’ సినిమా షూటింగ్ పూర్తి చేసుకుని, సమంత ట్రీట్‌మెంట్ కోసం విదేశాలకు వెళ్లింది. అయితే, సమంత అనారోగ్యంపై పలు పుకార్లు షికార్లు చేశాయ్.
వన్ ఫైన్ డే, సమంత తన అరుదైన వ్యాధి గురించి సోషల్ మీడియాలో పోస్ట్ పెట్టడంతో, అంతా షాకయ్యారు. ఆ తర్వాత సమంతకున్న వ్యాధి మీద రీసెర్చుల మీద రీసెర్చులు చేసి, సమంత ప్రాణాపాయ స్థితిలో వుందంటూ, పలు కథనాలు మొదలు పెట్టేశారు.
సమంత నటించిన ‘యశోద’ సినిమా మరో నాలుగు రోజుల్లో రిలీజ్‌కి రెడీగా వుంది. సమంత ప్రస్తుతం వున్న కండిషన్‌లో ఆమె ప్రమోషన్లకు రాలేదని భావించారంతా. ఈ సినిమాలో మరో కీలక పాత్రధారి అయిన వరలక్ష్మి శరత్ కుమార్‌ వైపు నుంచి ఆల్రెడీ ప్రమోషన్లు స్టార్ట్ చేసింది చిత్ర యూనిట్.
అయితే, సడెన్‌గా మీడియా ముందుకొచ్చి సమంత అందరికీ షాకచ్చింది. తన హెల్త్ కండిషన్ గురించి చెప్పి కన్నీళ్లు పెట్టుకుంది. ‘ఒకానొక టైమ్‌లో ఒక్క అడుగు కూడా ముందుకు వేయలేననుకున్నా.. కానీ, ఇప్పుడు కోలుకుంటున్నా.. నా ఆరోగ్యంపై పలు అనవసరమైన కథనాలు విన్నాను. కానీ, అవేమీ నిజం కావు. ప్రస్తుతానికైతే చావలేదు..’ అంటూ ఎమోషనల్‌గా మాట్లాడింది సమంత.