సౌదీ: మక్కాలో తప్పిపోయిన బర్మా బాలిక క్షేమంగా ఉన్నట్లు మక్కా పోలీసులు తెలిపారు.  పవిత్ర నగరంలోని ఓ ప్రదేశంలో బాలిక ఆరోగ్యంగా ఉన్నట్లు గుర్తించినట్లు పోలీసులు వెల్లడించారు. అయితే, చిన్నారి తప్పిపోయిన ఘటనలో పాకిస్థానీ ప్రవాస మహిళ ప్రమేయం ఉందని తమ విచారణలో తేలిందన్నారు. పాకిస్థాన్ మహిళను అరెస్టు చేసినట్లు పోలీసులు వివరించారు. పాకిస్థాన్ మహిళపై చట్టపరమైన చర్యలు తీసుకుని.. పబ్లిక్ ప్రాసిక్యూషన్‌కు రిఫర్ చేసినట్లు మక్కా పోలీసులు వెల్లడించారు.