యూఏఈ: ఇద్దరు వ్యక్తుల మరణానికి కారణమైన అరబ్ వ్యక్తిని అరెస్ట్ చేసినట్లు షార్జా పోలీసులు వెల్లడించారు. ఓ అరబ్ వ్యక్తి ముగ్గురు వ్యక్తులపై దాడులకు పాల్పడినట్లు షార్జా పోలీస్ ఆపరేషన్స్ రూమ్ కు సమాచారం అందిందని పోలీసులు పేర్కొన్నారు. ఒక ఆసియా వ్యక్తిపై మొదటగా దాడికి పాల్పడ్డ నిందితుడు.. రెండో ఘటనలో ఇద్దరు అరబ్ జాతీయులపై భౌతిక దాడులకు తెగబడ్డాడని పోలీసులు వివరించారు. ఈ దాడుల్లో తీవ్రంగా గాయపడ్డ వారిలో ఇద్దరు వ్యక్తులు చికిత్స పొందుతూ మృతి చెందారని పోలీసులు తెలిపారు. నిందితుడిపై తదుపరి విచారణ కోసం కేసును పబ్లిక్ ప్రాసిక్యూషన్‌కు రిఫర్ చేసినట్లు షార్జా పోలీసులు వెల్లడించారు.