బహ్రెయిన్: క్రౌన్ ప్రిన్స్, ప్రధాన మంత్రి అయిన హిస్ రాయల్ హైనెస్ ప్రిన్స్ సల్మాన్ బిన్ హమద్ అల్ ఖలీఫా అధ్యక్షతన గుదైబియా ప్యాలెస్‌లో కేబినెట్ సమావేశం జరిగింది. బహ్రెయిన్ ఆరవ పార్లమెంటరీ, మునిసిపల్ ఎన్నికలలో 73% కంటే ఎక్కువ మంది అర్హులైన ఓటర్లు పాల్గొని విజయం సాధించినందుకు కేబినెట్.. హిజ్ మెజెస్టి కింగ్ హమద్ బిన్ ఇసా అల్ ఖలీఫాను అభినందించింది. హిస్ మెజెస్టి కింగ్ హమద్ బిన్ ఇసా అల్ ఖలీఫా నేతృత్వంలోని బహ్రెయిన్ బలమైన ప్రజాస్వామ్యం, సమగ్ర అభివృద్ధికి నిదర్శనం అయిన మరో విజయవంతమైన ఎన్నికల్లో పాల్గొన్నందుకు బహ్రెయిన్ పౌరులకు కేబినెట్ ధన్యవాదాలు తెలిపింది. ఈ సందర్భంగా 2022 పార్లమెంటరీ, మున్సిపల్ ఎన్నికల కోసం పనిచేసిన అంతర్గత వ్యవహారాల మంత్రిత్వ శాఖ, న్యాయ, ఇస్లామిక్ వ్యవహారాలు, దేవాదాయ శాఖ, ఎన్నికల సాధారణ పర్యవేక్షణ సుప్రీం కమిటీ, సహాయక సబ్‌కమిటీలు, సంబంధిత పార్టీలు, పోలింగ్, కౌంటింగ్ కేంద్రాలు, స్వచ్ఛంద బృందాల కృషిని కేబినెట్ ప్రశంసించింది.