బహ్రెయిన్: బహ్రెయిన్‌లో గంజాయి మొక్కలను పెంచడం, మాదకద్రవ్యాలను విక్రయించడానికి నిల్వ చేసిన 11 మంది సభ్యుల ముఠాను అరెస్టు చేసినట్లు బహ్రెయిన్ పోలీసులు తెలిపారు. అనుమానితుల్లో యూరప్, ఆసియా, ఇతర ఖండాలకు చెందిన పౌరులు కూడా ఉన్నారని పోలీసు అధికారులు తెలిపారు. పబ్లిక్ ప్రాసిక్యూషన్ ఆఫీస్‌లోని డ్రగ్ క్రైమ్ యూనిట్‌కు అందిన పక్కా సమాచారంపై విచారణ అనంతరం అరెస్టులు జరిగాయని అధికారులు వెల్లడించారు. విచారణలో నిందితులు తెలిపిన సమాచారంతో కొకైన్, హషీష్, గంజాయి మొక్కలను పెంచడానికి ఉపయోగించే సాధనాలను స్వాధీనం చేసుకున్నట్లు పేర్కొన్నారు. విచారణలో నిందితులు నేరాలు చేసినట్లు అంగీకరించారని, తదుపరి విచారణ కోసం రిమాండ్‌కు తరలించినట్లు బహ్రెయిన్ పోలీసులు తెలిపారు. ఈ కేసును క్రిమినల్ విచారణకు రిఫర్ చేసేందుకు పబ్లిక్ ప్రాసిక్యూషన్ సిద్ధమవుతోందన్నారు.