ఖతార్: ఫిఫా వరల్డ్ కప్ ఖతార్ 2022ని ప్రపంచవ్యాప్తంగా ప్రజలకు ముఖ్యంగా శరణార్థులు, నిర్వాసితులకు చేరువ చేసే లక్ష్యంలో భాగంగా టర్కీ, బంగ్లాదేశ్, పాలస్తీనా, జోర్డాన్, సూడాన్, ఇరాక్, లెబనాన్, యెమెన్ వంటి కొన్ని దేశాల్లో ఫ్యాన్ జోన్‌లను ఏర్పాటు చేస్తున్నట్లు ఖతార్ ప్రకటించింది. నవంబర్ 18న హోస్ట్ కంట్రీ మీడియా సెంటర్‌లో జరిగిన విలేకరుల సమావేశంలో మాట్లాడిన ఖతార్ సహాయ విదేశాంగ మంత్రి హెచ్‌ఈ లోల్వా బింట్ రషీద్ అల్ ఖాటర్ ఈ మేరకు స్పష్టతనిచ్చారు. “అందరికీ ఖతార్ 2022” అనే థీమ్‌తో సంయుక్త మానవతా కార్యక్రమం నిర్వహిస్తున్నామని, ఇందులో విదేశాంగ మంత్రిత్వ శాఖ పాల్గొంటుందని పేర్కొన్నారు.  కతార్ ఫండ్ ఫర్ డెవలప్‌మెంట్, సుప్రీం కమిటీ ఫర్ డెలివరీ అండ్ లెగసీ (SC), ఖతార్ రెడ్ క్రెసెంట్ సొసైటీ (QRCS), ఖతార్ ఛారిటీలు ఇందులో భాగస్వామ్యం అవుతున్నాయన్నారు.