కువైట్: సాల్మియాలో ఓ భవనం బేస్ మెంట్ లో అగ్ని ప్రమాదం చోటుచేసుకున్నది. సమాచారం అందుకున్న కువైట్ ఫైర్ ఫోర్స్ (KFF) హుటాహుటిన సంఘటన స్థలానికి వచ్చి మంటలను ఆర్పివేశారు. బేస్ మెంట్ లోని గదుల్లో పేపర్ ఆర్కైవ్స్, ప్లాస్టిక్ మెటీరియల్, ఫుడ్, స్టీల్ మెటీరియల్ ఉన్నాయని దాంతోనే మంటలు వేగంగా వ్యాపించాయని కువైట్ ఫైర్ ఫోర్స్ వెల్లడించింది. ప్రమాద తీవ్రత నేపథ్యంలో సాల్మియా, బెడా, అల్-హెలాలి అగ్నిమాపక కేంద్రాల నుండి బృందాలను తరలించినట్లు తెలిపింది. ఈ ప్రమాదంలో ఎవరికి ఎటువంటి గాయాలు కాలేదని పేర్కొంది.