ఇటీవల ‘మయోసైటిస్’ అనే అరుదైన వ్యాధితో ఆసుపత్రిలో చేరిన సమంత, ప్రస్తుతం ఆరోగ్యంగానే వుంది. చికిత్స అనంతరం ఇంట్లోనే వుండి రెస్ట్ తీసుకుంటోంది సమంత. 
మరికొద్ది రోజుల్లోనే తాను పూర్తి చేయాల్సిన ప్రాజెక్టులపై ఫోకస్ పెట్టేందుకు సిద్ధమవుతోంది. ఈ క్రమంలోనే వర్కవుట్లు కూడా స్టార్ట్ చేసింది సమంత.
ఇదిలా వుంటే, మళ్లీ అనారోగ్యంతో ఆసుపత్రిలో చేరిన సమంత అంటూ సోషల్ మీడియాలో ఓ గాలి వార్త సడెన్‌గా పుట్టుకొచ్చింది. ఇది గాలి వార్తే అంటూ సమంత మేనేజర్ ఖండించాడు. సమంత ఆరోగ్యంగానే వుంది. ఇంట్లోనే వుంది.. అంటూ సోషల్ మీడియాలో పోస్ట్ చేశాడు.
తనకు ‘మయోసైటిస్’ అను వ్యాధి వుందని సమంత చెబితేనే తెలిసింది. వన్స్ ఈ విషయం బయటికొచ్చాకా ఇదే తరహా వ్యాధి.? వస్తే ఏమవుతుంది.? అంటూ ఆరాలు పట్టిన నెటిజన్లు.. ఇంకేముంది.. ఈ వ్యాధి వస్తే చచ్చిపోవడమే.. అంటే సమంత నయం కాని వ్యాధితో బాధపడుతోంది.. కెరీర్‌కి ఇకపై గుడ్ బై చెప్పేయాల్సిందే.. అన్నట్లుగా పుకార్లు పుట్టించేశారు.
నేనింకా చావలేదు. నేను బాగానే వున్నాను.. అంటూ సమంత స్వయంగా బయటికి వచ్చి చెబితే కానీ, ఆ పుకార్లకు చెక్ పడలేదు. ఇప్పుడు మళ్లీ ఇదిగో ఇలాంటి పుకార్లు..! ఏం చేస్తాం.! నెటిజన్ల ఆగడాలకు అంతే లేకుండా పోతోంది.