రియాద్: "బియాండ్ ఇమాజినేషన్" అనే థీమ్‌తో రియాద్ సీజన్‌లో సందర్శకుల సంఖ్య ఒక నెలలోనే నాలుగు మిలియన్లకు చేరుకుందని జనరల్ ఎంటర్‌టైన్‌మెంట్ అథారిటీ (జిఇఎ) డైరెక్టర్ల బోర్డు చైర్మన్ తుర్కీ అల్-షేక్ ప్రకటించారు. అక్టోబర్ 21న రియాద్ సీజన్ ప్రారంభమైన విషయం తెలిసిందే. సీజన్‌లో అతిపెద్ద జోన్ అయిన బౌలేవార్డ్ వరల్డ్‌ను ప్రారంభించిన తర్వాత సందర్శకుల భారీగా పెరిగిందన్నారు. ఈ సీజన్‌లో ఫెరారీ ఫెస్టివల్, ప్రపంచ కప్ కార్యకలాపాలతో పాటు అభిమానుల ఉత్సవం, లెబనీస్ మయాస్ బ్యాండ్ ప్రదర్శనలు, అనిమే టౌన్, బౌలేవార్డ్ ఈవ్, బ్లాక్ హ్యాట్ ఈవెంట్, అల్-సువైదీ పార్క్‌లోని ఫెస్టివల్ ఆఫ్ కల్చర్స్ వంటి అతిపెద్ద ఈవెంట్‌లు సందర్శకులను అమితంగా ఆకట్టుకుంటున్నాయని వెల్లడించారు. రియాద్ సీజన్‌లోని 15 ఎంటర్‌టైన్‌మెంట్ జోన్‌లలో ఒకటైన బౌలేవార్డ్ రియాద్ సిటీ, 7 సౌదీ నాటకాలతో సహా 25 మిడిల్ ఈస్టర్న్, అంతర్జాతీయ నాటకాలను నిర్వహిస్తుంది.