అక్కినేని హీరో అఖిల్‌కి ఎప్పటికప్పుడే అగ్ని పరీక్ష అవుతోంది. తొలి సినిమా నుంచీ హీరోగా నిలదొక్కుకోవడానికి అఖిల్ చాలా చాలా కష్టపడాల్సి వస్తోంది. ప్రతీ సినిమాని విడుదల చేసుకోవడం కత్తి మీద సామే అవుతోంది పాపం అఖిల్‌కి.
తాజా మూవీ ‘ఏజెంట్’ విషయానికి వస్తే, గతేడాది డిశంబర్‌లో రిలీజ్ కావల్సిన సినిమా ఇది. కాలేదు. ఈ ఏడాది ఆగస్ట్‌కి రిలీజ్ డేట్ కూడా ఫిక్స్ చేసుకుంది అయినా కుదరలేదు. ఇక ఇప్పుడు వచ్చే ఏడాది సంక్రాంతికి పక్కా అన్నారు. కానీ, అది కూడా కుదురుతుందో లేదో అని టాక్.
ఒకవేళ అది కుదరకపోతే ఫిబ్రవరికి ట్రై చేద్దామా.? అంటే ఫిబ్రవరిలోనూ అఖిల్‌కి స్లాట్ దొరకడం లేదంట. ఇలా వాయిదాల పర్వంతో ‘ఏజెంట్’ ఎప్పటికి ధియేటర్లలో సందడి చేస్తుందా.? అని అక్కినేని అభిమానులు ఒకింత టెన్షన్ పడుతున్నారట. 
స్టైలిష్ డైరెక్టర్ సురేందర్ రెడ్డి ఈ సినిమాకి దర్శకుడు. బాలీవుడ్ భామ సాక్షి వైద్య హీరోయిన్‌గా నటిస్తోంది. అద్భుతమైన యాక్షన్ ఘట్టాలు, భారీ బడ్జెట్‌తో స్పై థ్రిల్లర్‌గా రూపొందుతోన్న సినిమా ఇది.