బిగ్‌బాస్ తెలుగు సీజన్ 6 చివరి దశకు చేరుకుంది. తొమ్మిది మంది కుటుంబ సభ్యులతో హౌస్ రన్ అవుతోంది ప్రస్తుతం. చివరి దశకు చేరుకున్న బిగ్‌బాస్ హౌస్‌లో హౌస్ మేట్స్ విజేతలుగా నిలిచేందుకు తమ వంతు ప్రయత్నాలు చేస్తున్నారు. 
ఎవరికి వారే గేమ్‌పై బాగా ఫోకస్ పెట్టారు. కుటుంబ సభ్యుల రాకతో బిగ్ హౌస్‌లో కాస్త ఎమోషన్ చోటు చేసుకున్నప్పటికీ చివరి దశకు చేరుకున్న బిగ్ గేమ్ ఒకింత ఆసక్తిగా మారింది.
కుటుంబ సభ్యుల సూచనలు, సలహాలతో హౌస్ మేట్స్ తమ గేమ్‌ని మరింత స్ర్టాంగ్‌గా మలచుకునేందుకు ప్రయత్నిస్తున్నారు. ఈ క్రమంలో లేటెస్ట్ కెప్టెన్సీ టాస్క్‌లో భాగంగా ఇంతవరకూ కెప్టెన్ కాలేకపోయిన ఇనయా ఇంటి కెప్టెన్ అయ్యింది.
ఇంటి నుంచి బయటికి వెళ్లేలోపు కెప్టెన్ అవ్వాలన్న ఇనయా కోరిక ఎట్టకేలకు నెరవేరడంతో ఆనందంతో ఉబ్బి తబ్బిబ్బవుతోంది. కెప్టెన్సీ రావడంతో, ఇనయా ఈ వారం ఎలిమినేషన్ నుంచి సేఫ్ అయిపోయింది.