రియాద్: డొమెస్టిక్ వర్కర్లు సౌదీ అరేబియాకు వచ్చిన తేదీ నుంచి 90 రోజుల్లో పని చేయడానికి నిరాకరించిన కార్మికులను బహిష్కరించే బాధ్యత రిక్రూట్‌మెంట్ కార్యాలయాలదేనని మానవ వనరులు, సామాజిక అభివృద్ధి మంత్రిత్వ శాఖ (MHRSD) ఆధ్వర్యంలోని ముసానేడ్ ప్లాట్‌ఫారమ్ స్పష్టం చేసింది. 90 రోజుల ట్రయల్ వ్యవధిలో రిక్రూట్‌మెంట్ కార్యాలయాలు, కంపెనీలు కార్మికుడిని బహిష్కరించడానికి.. రిక్రూట్‌మెంట్ ఖర్చును తిరిగి ఇవ్వడానికి బాధ్యత వహిస్తాయని ముసానేడ్ తెలిపింది. రిక్రూట్‌మెంట్ కార్యాలయాలు కార్మికుడిని బహిష్కరించడానికి నిరాకరిస్తే, హక్కులు పునరుద్ధరించబడే వరకు కార్మికులు తప్పనిసరిగా ముసానేడ్ ద్వారా ఫిర్యాదును సమర్పించాలని పేర్కొంది. 90-రోజుల వ్యవధి ముగిసిన తర్వాత, కాంట్రాక్ట్ నిబంధనలలో సూచించిన దాని ప్రకారం.. యజమాని కార్మికుడికి బాధ్యత వహిస్తాడని ముసానేడ్ పేర్కొంది. సౌదీ అరేబియాకు చేరుకున్న తేదీ నుండి 90 రోజులలోపు కార్మికులు బహిష్కరణకు గురైనట్లయితే, లబ్ధిదారులకు ప్రభుత్వ రుసుము లేకుండా ప్రత్యామ్నాయ వీసాను జారీ చేయవచ్చని తెలిపింది.