రియాద్: సౌదీ అరేబియాలో తూర్పు ప్రావిన్స్‌లో రెండు సహజ వాయువు క్షేత్రాలను కనుగొన్నట్లు ఇంధన మంత్రి ప్రిన్స్ అబ్దుల్ అజీజ్ బిన్ సల్మాన్ ప్రకటించారు. సౌదీ అరామ్‌కో తూర్పు ప్రావిన్స్‌లో రెండు సంప్రదాయేతర సహజ వాయువు క్షేత్రాలను కనుగొన్నదని పేర్కొంది. హోఫుఫ్ నగరానికి నైరుతి దిశలో 142 కిలోమీటర్ల దూరంలో ఘవార్ క్షేత్రానికి నైరుతి దిశలో 'అవ్తాద్' సంప్రదాయేతర సహజ వాయువు క్షేత్రాన్ని గుర్తించారు. దహ్రాన్ నగరానికి నైరుతి దిశలో 230 కిలోమీటర్ల దూరంలో 'అల్-దహ్నా' సంప్రదాయేతర సహజ వాయువు క్షేత్రాన్ని గుర్తించినట్లు తెలిపారు. సౌదీ అరేబియాలో చమురు కార్యకలాపాలు ఏడాది క్రితం 9.3 శాతం నుంచి 14.5 శాతం పెరిగాయని జనరల్ అథారిటీ ఫర్ స్టాటిస్టిక్స్ పేర్కొంది.