సౌదీ అరేబియా: సౌదీ అరేబియా ఫుట్‌బాల్ ఫెడరేషన్ (SAFF) అధికారికంగా ఆసియా ఫుట్‌బాల్ కాన్ఫెడరేషన్ (AFC) మహిళల ఆసియా కప్ 2026 ఫైనల్స్‌కు ఆతిథ్యం ఇవ్వడానికి తన బిడ్‌ను సమర్పించింది. మలేషియా రాజధాని కౌలాలంపూర్‌లోని AFC ప్రధాన కార్యాలయంలో సౌదీ ప్రతినిధి బృందానికి ఆసియా ఫుట్‌బాల్ కాన్ఫెడరేషన్ ఆసియా కప్ హోస్టింగ్ ఫైల్ డైరెక్టర్ స్వాగతం పలికారు. సౌదీ మహిళా ఫుట్‌బాల్ జట్టు మొదటి అసిస్టెంట్ కోచ్ డోనా రజబ్, సౌదీ జాతీయ జట్టు సభ్యుడు రఘద్ హెల్మీ, యువ క్రీడాకారిణి మరియా బఘాఫర్ కాన్ఫెడరేషన్‌కు బిడ్‌ను అందజేశారు. SAFF డైరెక్టర్ల బోర్డు అధ్యక్షుడు యాసర్ అల్-మిషాల్ మాట్లాడుతూ.. ఈ టోర్నమెంట్‌ను నిర్వహించడం వల్ల సౌదీలో మహిళల ఫుట్‌బాల్‌కు ఆదరణ పెరుగుతుందన్నారు. జోర్డాన్, ఆస్ట్రేలియా, ఉజ్బెకిస్తాన్‌లతో టోర్నమెంట్‌ను నిర్వహించడానికి సౌదీ అరేబియాతో పోటీపడుతున్నాయి.