హైదరాబాద్: పశ్చిమ బెంగాల్‌కు చెందిన ఒక రోగి మూడు సంవత్సరాలుగా కడుపు నొప్పి మరియు కామెర్లతో తరచుగా కోల్‌కతాలోని ఆసుపత్రిలో చేరుతూ ఉన్నాడు. అతన్ని పరీక్షించిన డాక్టర్స్ అతనికి వేరుశెనగ పరిమాణం నుండి నిమ్మకాయ వరకు వివిధ పరిమాణంలో ఉన్న బహుళ పిత్తాశయం మరియు పిత్త వాహిక రాళ్లు ఉన్నాయి అని తెలిపారు. ఈ పెద్ద సంఖ్యలో రాళ్ల కారణంగా, అతను కోలాంగిటిస్ (పిత్త వాహిక వ్యవస్థ యొక్క వాపు) ను అభివృద్ధి చేశాడు. అక్కడ డాక్టర్లు ఎండోస్కోపిక్ క్లియరెన్స్‌కు రెండుసార్లు ప్రయత్నించినా ఫలితం లేకపోయింది.

అప్పుడు రోగి మెడికవర్ హాస్పిటల్స్ లోని డాక్టర్ కిషోర్ రెడ్డి- కన్సల్టెంట్ - లివర్ ట్రాన్స్‌ప్లాంట్ & హెపాటో ప్యాంక్రియాటో బిలియరీ (HPB) సర్జన్ గురించి తెల్సుకొని వారిని కలవడం జరిగింది.ఎండోస్కోపిక్ క్లియరెన్స్ కోసం గతంలో చేసిన ప్రయత్నం విఫలం కావడం కారణంగా, డాక్టర్ కిషోర్ రెడ్డి మరియు అతని బృందం శస్త్రచికిత్స చేసి రాళ్ళని తొలగించాలి అని నిర్ణయించారు. రోగి కోలిసిస్టెక్టమీ (పిత్తాశయం యొక్క తొలగింపు) చేసి ప్రధాన పిత్త వాహిక తెరవబడింది మరియు దాదాపు 250 గ్రాముల రాళ్లను (సంఖ్యలో 1000 కంటే ఎక్కువ) సర్జన్లు సుమారుగా 5 గంటలు వివిధ పద్ధతులను ఉపయోగించి కాలేయం నుండి మరియు  ప్రాక్సిమల్ నాళాల నుండి పిత్త వాహిక ద్వారా రాళ్లను తొలగించడం జరిగింది. ప్రధాన పిత్త వాహికను పేగుతో కలపడం జరిగింది. (హెపాటికోజెజునోస్టోమీ). ఆపరేషన్ విజయవంతమైంది మరియు ఇప్పుడు ఎటువంటి సమస్యలు లేవు. ఐదు రోజుల సర్జరీ అనంతరం డిశ్చార్జి చేశారు.

డాక్టర్ కిషోర్ రెడ్డి మాట్లాడుతూ సాధారణంగా, మీ కాలేయం ద్వారా విసర్జించే కొలెస్ట్రాల్‌ను కరిగించడానికి మీ పిత్తంలో తగినంత రసాయనాలు ఉంటాయి. కానీ మీ కాలేయం మీ పిత్తం కరిగిపోయే దానికంటే ఎక్కువ కొలెస్ట్రాల్‌ను విసర్జిస్తే, అదనపు కొలెస్ట్రాల్ స్ఫటికాలుగా మారి చివరికి రాళ్లుగా ఏర్పడవచ్చు. పిత్త వాహిక నుండి రాళ్ళు వాటంతట అవే బయటకు వెళ్లిపోతాయి. అయినప్పటికీ, పిత్త వాహికలో రాయి చిక్కుకున్నప్పుడు, వైద్యున్ని కలవడం అవసరం, లేకపోతే వాపు, బాక్టీరియల్ ఇన్ఫెక్షన్ మరియు తీవ్రమైన అవయవ నష్టం కూడా జరగవచ్చు అని అన్నారు.

రోగి మరియు అతని కుటుంబ సభ్యులు డాక్టర్ కిషోర్ రెడ్డి కి మరియు అతని బృందానికి ధన్యవాదాలు తెలిపారు.రోగి ఇప్పుడు మంచి ఆరోగ్యంతో ఉన్నాడు మరియు అతని సాధారణ రోజువారీ కార్యకలాపాలు చేసుకుంటున్నాడు.