దోహా: మంగళవారం జరిగిన పెనాల్టీ షూటౌట్‌లో స్పెయిన్‌ను ఓడించి క్వార్టర్‌ఫైనల్‌కు చేరుకోవడంతో మొరాకో.. క్వార్టర్ ఫైనల్స్‌కు చేరిన తొలి అరబ్ దేశంగా నిలిచింది. ప్రపంచ కప్ చరిత్రలో ఇంత దూరం వెళ్లిన నాల్గవ ఆఫ్రికన్ జట్టుగా కూడా అవతరించింది. రెండు గంటల పాటు నువ్వా నేనా అన్నట్లు సాగిన మ్యాచులో 0-0 డ్రా తర్వాత షూటౌట్‌లో స్పెయిన్‌ను 3-0తో మొరాకో ఓడించింది. ఇదే ఊపు క్వార్టర్స్ లోనూ కొనసాగితే అరబ్ ప్రపంచం, ఆఫ్రికా  నుండి మొట్టమొదటి సెమీ-ఫైనలిస్ట్‌లుగా మారే అవకాశం ఉంది. శనివారం దోహాలోని అల్ తుమామా స్టేడియంలో జరిగే క్వార్టర్‌ఫైనల్‌లో పోర్చుగల్ తో మొరాకో తన అధృష్టాన్ని పరిక్షించుకోనున్నది.