బాలీవుడ్ బ్యూటీ ఊర్వశి రౌతెలా.. మెగాస్టార్ చిరంజీవి సరసన ‘వాల్తేర్ వీరయ్య’లో స్పెషల్ సాంగ్ చేసిన సంగతి తెలిసిందే. ఈ సాంగ్ చేసినప్పటి నుంచీ ఊర్వశి రౌతెలా ఆనందంతో ఉప్పొంగిపోతోంది.
డాన్స్ గురించి చాలా మంది చాలా నిర్వచనాలు చెబుతారు. కానీ, చిరంజీవితో డాన్స్ అంటే ఆ నిర్వచనం వేరే లెవల్ అంటోంది. ఆయన గ్రేస్ ముందు, ఎవ్వరైనా బలాదూర్ అంటోందీ హాట్ బ్యూటీ.
ఆయనతో డాన్స్ చేస్తుంటే, అప్పుడే డాన్స్ నేర్చుకున్నట్లుంటుంది.. అంటూ ‘బాస్ పార్టీ..’ సాంగ్ మెమరీస్‌ని సోషల్ మీడియాలో షేర్ చేస్తోంది ఊర్వశి రౌతెలా. 
సంక్రాంతి సందర్భంగా ‘వాల్తేర్ వీరయ్య’ సినిమా ప్రేక్షకుల ముందుకు రానున్న సంగతి తెలిసిందే. దేవిశ్రీ ప్రసాద్ మ్యూజిక్ అందించిన ఈ సినిమాకి బాబీ దర్శకత్వం వహిస్తున్నారు. శృతి హాసన్ హీరోయిన్‌గా నటించింది.