అనిల్ రావిపూడి దర్శకత్వంలో బాలయ్య నటిస్తున్న సినిమా లేటెస్టుగా ప్రారంభమైంది. ‘NBK 108’ గా రూపొందుతోన్న ఈ సినిమాలో బాలయ్య పెప్పర్ సాల్ట్ లుక్స్‌తో కనువిందు చేయబోతున్నారు.
తండ్రీ కూతుళ్ల సెంటిమెంట్ నేపథ్యంలో ఫన్ టోన్‌లో రూపొందబోయే ఈ సినిమాలో హీరోయిన్‌గా ఓ తెలుగమ్మాయ్ ఛాన్స్ కొట్టేసినట్లు తెలుస్తోంది. 
ఆమె ఎవరో కాదు, ‘ట్యాక్సీవాలా’ భామ ప్రియాంక జవాల్కర్. అధికారిక ప్రకటన రాలేదు కానీ, ఈ ముద్దుగుమ్మ పేరు దాదాపు ఫిక్స్ అయినట్లు తెలుస్తోంది.
‘ట్యాక్సీవాలా’, ‘తిమ్మరుసు’, ‘ఎస్.ఆర్.కళ్యాణ మండపం’ సినిమాలతో క్రేజ్ దక్కించుకున్న ప్రియాంకకు నిజంగా బాలయ్య పక్కన ఛాన్స్ దక్కినట్లయితే, ఈ ఆఫర్ ఒకింత సాహసమే అని చెప్పాలి. 
ఇంతవరకూ యంగ్ హీరోలతో స్ర్కీన్ షేర్ చేసుకున్న ప్రియాంక, బాలయ్య వంటి సీనియర్ హీరో పక్కన నటిస్తే, ఆ తర్వాత అమ్మడి ఫ్యూచర్ ఎలా వుండబోతోందో.. కాస్త ఆలోచించాల్సిన విషయమే. చూడాలి మరి.