దోహా: ఖతార్‌లో జరిగిన ప్రపంచకప్‌లో మ్యాచ్‌ను కవర్ చేస్తూ యుఎస్ ఫుట్‌బాల్ జర్నలిస్ట్ గ్రాంట్ వాల్ హఠాన్మరణం చెందారు. చివరిసారిగా నెదర్లాండ్-అర్జెంటినా క్వార్టర్ ఫైనల్ మ్చాచ్ కు సంబంధించి తన చివరి ట్వీట్ చేశారు. అనంతరం ప్రెస్ గ్యాలరీలో ఉన్న అస్వస్థతకు గురయ్యాడు. అక్కడే ఉన్న అత్యవసర వైద్య సిబ్బంది అతన్ని పరీక్షించి, అంబులెన్స్ ద్వారా హమద్ జనరల్ హాస్పిటల్ కు తరలించారు. ఆస్పత్రికి చేరేలోపే అతను చనిపోయినట్లు ఫిఫా ప్రపంచ కప్ ఆర్గనైజింగ్ కమిటీ తెలిపింది. ఖతార్ ప్రపంచ కప్ నిర్వాహకులు, సుప్రీం కమిటీ (SC) వాల్ మృతికి నివాళులు అర్పించింది. అతని మృతదేహాన్ని స్వదేశం తరలించేందుకు చర్యలు చేపట్టినట్లు అధికారులు తెలిపారు.