దుబాయ్: దుబాయ్ కోర్ట్ ఆఫ్ అప్పీల్ కోర్ట్ ఆఫ్ ఫస్ట్ ఇన్‌స్టాన్స్ ఇచ్చిన తీర్పును సమర్థించింది. తన భార్యను వారి పిల్లల ముందు బాల్కనీ నుండి తోసేస్తానని బెదిరించినందుకు అరబ్ వ్యక్తిని దోషిగా నిర్ధారించి అతనికి Dh3,000 జరిమానా విధించింది. కేసు ఫైల్స్ ప్రకారం, బాధితురాలు తన భర్తతో వాదిస్తున్నప్పుడు అతను కోపంతో ఆమెను బాల్కనీ నుండి తోసేస్తానని బెదిరించాడు: తన భర్త తన పిల్లల ముందు బాల్కనీ నుండి తోసివేస్తానని బెదిరించాడని, అలా చేయడం ఇదే మొదటిసారి కాదని బాధితురాలు పబ్లిక్ ప్రాసిక్యూషన్ విచారణలో పేర్కొంది.

తన తండ్రి తన తల్లిని పదేపదే బెదిరించాడని, ఆమెను కొట్టడానికి తన స్నేహితుడికి 20,000 దిర్హామ్ ఇస్తానని గతంలో చెప్పాడని వారి కుమారుడు వాంగ్మూలంలో పేర్కొన్నాడు. విచారణలో నిందితుడు తనపై వచ్చిన అభియోగాలను తోసిపుచ్చాడు. వైవాహిక బంధంలో తలెత్తిన వివాదం కారణంగా తనపై దురుద్దేశపూర్వకంగా అభియోగాలు మోపారని అన్నారు. తన భార్యను బాల్కనీ నుంచి తోసివేస్తానని బెదిరించలేదని చెప్పాడు. కేసు పరిస్థితుల దృష్ట్యా నిందితుడికి క్షమాభిక్ష కల్పించాలని కోర్టు భావించింది. అతనికి 3,000 దిర్హామ్‌లు జరిమానా విధిస్తూ కోర్టు తీర్పునిచ్చింది.