ఖతార్: దోహాలో జరుగుతున్న ఫిఫా ప్రపంచకప్‌ను కవర్ చేస్తూ మరో జర్నలిస్టు మృతి చెందాడు. ఖతారీ ఫోటో జర్నలిస్ట్ ఖలీద్ అల్-మిస్లామ్ వారాంతంలో 'హఠాత్తుగా' మరణించాడు. ఈ మేరకు దోహాకు చెందిన వార్తా సంస్థ గల్ఫ్ టైమ్స్‌ను ఉటంకిస్తూ ఫాక్స్ స్పోర్ట్స్ వెబ్‌సైట్ నివేదించింది. "అల్-మిస్లామ్ FIFA వరల్డ్ కప్ ఖతార్ 2022ని కవర్ చేస్తున్నప్పుడు హఠాత్తుగా మరణించాడు. మేము అతని కుటుంబానికి ప్రగాఢ సానుభూతిని తెలియజేస్తున్నాము" అని గల్ఫ్ టైమ్స్ తెలిపింది. నెదర్లాండ్స్-అర్జెంటీనా మ్యాచ్‌ను కవర్ చేస్తూ యుఎస్ జర్నలిస్ట్ గ్రాంట్ వాల్ మరణించిన విషయం తెలిసిందే.