దోహా: ఫిఫా ప్రపంచ కప్‌లో బుధవారం రాత్రి జరిగిన రెండో సెమీఫైనల్‌లో డిఫెండింగ్ ఛాంపియన్ ఫ్రాన్స్  2-0తో తేడాతో మొరాకో పై విజయం సాధించి ఫైనల్లోకి ప్రవేశించింది. రెండుసార్లు ఛాంపియన్ అయిన అర్జెంటీనాతో ఫైనల్ పోరుకు సిద్ధమైంది.

అల్ బేట్ స్టేడియంలో థియో హెర్నాండెజ్, కోలో మువానీ చేసిన గోల్స్ ఫ్రాన్స్ జట్టును విజయతీరాలకు చేర్చాయి. ప్రపంచ కప్ ఫైనల్ కు చేరి మొదటి ఆఫ్రికన్, అరబ్ జట్టుగా అవతరించాలనుకున్న మొరాకో ఆశలు సెమీస్ తో ముగిసాయి. తమ అద్భుతమైన ఆటతీరుతో ఇటలీ, బ్రెజిల్ తర్వాత ప్రపంచ కప్ టైటిల్‌ను కాపాడుకునే దిశగా ఫ్రాన్స్ అడుగులు వేస్తోంది.