కంటెంట్ తెగ నచ్చేయడంతో కొత్త డైరెక్టర్ అయినా తన సొంత బ్యానర్‌లో సినిమా చేసేందుకు నాని ముందుకొచ్చాడు. అదృస్టం కలిసొచ్చింది చిన్న సినిమాగా తెరకెక్కిన సినిమా పెద్ద హిట్ అందుకుంది.
అదే ‘హిట్’ మూవీ. ఆ ఎంకరేజ్‌తోనే ఈ సినిమాకి సిరీస్ కూడా తెరకెక్కించారు. డబుల్ లక్. అది కూడా సూపర్ హిట్. ‘హిట్ - ది సెకండ్ కేస్’ టైటిల్‌తో డిశంబర్ 2న ప్రేక్షకుల ముందుకొచ్చిన ‘హిట్ 2’ సెన్సేషనల్ సక్సెస్ అందుకున్న సంగతి తెలిసిందే.
జనవరిలో ఈ సినిమాని ఓటీటీలో రిలీజ్ చేసేందుకు సన్నాహాలు జరుగుతున్నాయ్. ప్రముఖ ఓటీటీ ఛానెల్ అమెజాన్ ప్రైమ్‌లో ‘హిట్ 2’ స్ర్టీమింగ్ కానుంది.
కాగా, ఇదే సందర్భంలో ‘హిట్ 3’ స్ర్కిప్టు కూడా సిద్ధం చేసేశాడు డైరెక్టర్ శైలేష్ కొలను. ఇక, మూడో హిట్ కోసం డైరెక్ట్‌గా నానినే రంగంలోకి దిగుతున్నాడట. మూడో హిట్‌లో నాని కీలక పాత్ర పోషిస్తున్నాడనీ ఆయన రోల్ షాకింగ్ అండ్ సర్‌ప్రైజింగ్‌గా వుండబోతోందనీ అంటున్నారు. మొత్తానికి చిన్న సినిమాగా మొదలుపెట్టి, మంచి ప్లానింగ్‌తో నాని భలే ముందుకెళ్తున్నాడులే. నాని ప్రయత్నాన్ని మెచ్చుకోకుండా వుండలేం సుమా. కీప్ ఇట్ అప్ నాని.!