జెడ్డా: మక్కాలో వర్షం కారణంగా జరిగిన నష్టాన్ని అంచనా వేయడానికి కమిటీలను ఏర్పాటు చేసినట్లు సౌదీ అరేబియా సివిల్ డిఫెన్స్ జనరల్ డైరెక్టరేట్ తెలిపింది. కుండపోత వర్షాలు పవిత్ర నగరాన్ని అతలాకుతలం చేసిందని, వరదల వల్ల నష్టపోయిన వారి నుండి నష్టపరిహారం కోసం కమిటీలు అభ్యర్థనలను స్వీకరించడం ప్రారంభిస్తాయని డైరెక్టరేట్ పేర్కొంది. ఇప్పటివరకు "కుండపోత వర్షాల కారణంగా మేము ఎటువంటి మరణాలు లేదా గాయాలను నమోదు చేయలేదు" అని డైరెక్టరేట్ తెలిపింది. సోషల్ మీడియాలో పోస్ట్ చేసిన చిత్రాలు,  వీడియోలు మక్కాలోని భవనాలపై వర్షపు నీరు ప్రవహించడం, కార్లు కొట్టుకుపోతున్నట్లు చూపించాయి. అంతకుముందు మక్కాలో భారీ వర్షాలు పడతాయని జాతీయ వాతావరణ కేంద్రం (NCM) హెచ్చరికలు జారీ చేసింది. మక్కా ప్రాంతంలోని విపత్తు నిర్వహణ కేంద్రం నివాసితులు అవసరమైతే తప్ప తమ ఇళ్లను వదిలి రావొద్దని హెచ్చరించింది.