నిఖిల్ సిద్దార్ద్‌కి సుడి మామూలుగా లేదండోయ్. ‘కార్తికేయ 2’ సినిమాకి అనూహ్యమైన సక్సెస్ కట్టబెట్టారు. వాయిదాల మీద వాయిదాలు పడిన సినిమా ‘కార్తికేయ 2’. అన్ని సార్లు వాయిదాలు పడిన సినిమాపై ఇంపాక్ట్ చాలా ఎక్కువగా వుంటుంది. అందుకే ఈ సినిమా విషయంలో నిఖిల్ కంట తడి పెట్టుకుని బాగా ఎమోషన్ అయ్యాడు కూడా. 
కానీ, టైమే కలిసొచ్చిందో. లేక సింపథీ వర్కవుట్ అయ్యిందో తెలీదు కానీ, ‘కార్తికేయ 2’ రికార్డులు సృష్టించింది. ప్యాన్ ఇండియా గుర్తింపు కట్టబెట్టింది నిఖిల్‌కి. 
ఇక, ఈ జోష్‌లోనే ‘18 పేజెస్’ రిలీజ్ అయ్యింది. పెద్దగా బజ్ లేకున్నా, ఈ సినిమాకి లక్కు బాగా కలిసొచ్చింది. ఫస్ట్ డేనే పాజిటివ్ టాక్ వచ్చింది. దాంతో, ‘18 పేజెస్’ కూడా హిట్ లిస్టులో చేరిపోయింది.
కూల్ అండ్ లవ్లీ రొమాంటిక్ ఎంటర్‌టైనర్‌గా ‘18 పేజెస్’ సక్సెస్ బాట పట్టింది. మాస్ రాజా రవితేజ ‘ధమాకా’ వంటి పెద్ద సినిమా వున్నప్పటికీ దాంతో పోటీపడి రేసులో గెలిచిందని.. నిఖిల్ ప్యాన్స్ పండగ చేసుకుంటున్నారు.