మెగా పవర్ స్టార్, రామ్ చరణ్ నటిస్తున్న 15వ చిత్రం ప్రస్తుతం షూటింగ్ దశలో వున్న సంగతి తెలిసిందే. ఓ పక్క ‘ఇండియన్ 2’ షూటింగ్, ఇంకో పక్క RC15 షూటింగ్ సమాంతరంగా పూర్తి చేస్తున్నాడు డైరెక్టర్ శంకర్.
ఇక, ఈ సినిమాలో చరణ్ రెండు విభిన్నమైన పాత్రల్లో పోషిస్తున్నట్లు ఆ మధ్య కొన్ని లీకేజీ ఫోటోల ద్వారా అర్ధమైంది. ఈ రెండో రామ్ చరణ్ పాత్రకు జోడీగా అంజలి నటిస్తోంది. కాగా, ఈ పాత్రలో రామ్ చరణ్ రెట్రో లుక్స్‌లో కనిపిస్తున్నట్లు ఆ ఫోటోలు ప్రూవ్ చేశాయ్.
అయితే, ఆ లుక్స్‌లో రామ్ చరణ్ పోషించబోయే పాత్ర ఏంటనేది తెలియరాలేదు. తాజాగా ఆ విషయం తెలిసిపోయింది. అత్యంత సన్నిహిత వర్గాల సమాచారం ప్రకారం, ఫ్లాష్ బాక్‌ ఎపిసోడ్‌లో వచ్చే ఈ పాత్రలో చరణ్ ఓ నిజాయితీ పరుడైన రాజకీయ నాయకుడిగా కనిపించబోతున్నాడట.
ఓ పార్టీకి నేతగా చాలా పవర్‌ఫుల్‌గా వుండబోతోందట ఆ పాత్ర. సినిమాకి. ఈ పాత్రకి సంబంధించిన సన్నివేశాలు సినిమాకి అత్యంత కీలకంగా వుండబోతున్నాయనీ తెలుస్తోంది.