యూఏఈ: వివిధ ప్రాంతాల్లో మరో వారం రోజులపాటు అల్పపీడనం కొనసాగుతుందని, దీంతో పలు ప్రాంతాల్లో వర్షాలు పడతాయని వాతావరణ సంస్థ హెచ్చరించింది. దేశంలోని తూర్పు, ఉత్తర, తీర ప్రాంతాల్లో వర్షాలు కురిసే అవకాశం ఉన్నందున ప్రజలు జాగ్రత్తలు తీసుకోవాలని జాతీయ వాతావరణ కేంద్రం సూచించింది. వరదలు, వర్షపు నీటి మడుగులకు దూరంగా ఉండాలని ప్రజలను కోరింది. ఇదిలా ఉండగా.. శనివారం రస్ అల్ ఖైమా, ఫుజైరా, షార్జా, దుబాయ్‌లోని కొన్ని ప్రాంతాలలో తేలికపాటి నుండి మోస్తరు వర్షం కురిసింది. కొన్ని ప్రాంతాలలో వరదలు సంభవించాయి.