బహ్రెయిన్: తన భర్తపై కత్తితో దాడి చేసిన కేసులో ఏడాది జైలు శిక్ష అనుభవిస్తున్న మహిళకు కోర్టులో చుక్కెదురైంది. భర్త దాఖలు చేసిన పిటిషన్‌ ను విచారించిన కోర్టు.. పిల్లల సంరక్షణను వదులుకోవాలని మహిళను ఆదేశించింది. కోర్టు ఫైల్స్ ప్రకారం.. వీరిద్దరికి పదేళ్ల క్రితం వివాహం అయింది. ముగ్గురు పిల్లలు ఉన్నారు. పిల్లలను తనకు అప్పగించాలని సదరు వ్యక్తి షరియత్ కోర్టును ఆశ్రయించాడు. పిల్లల కస్టడీని పొందేందుకు తండ్రికి అర్హత ఉందని షరియా కోర్టు తీర్పునిచ్చింది. ప్రస్తుతం ఆమె జైలు శిక్ష అనుభవిస్తున్నందున, కస్టడీ హక్కును వదులుకోవాలని కోర్టు మహిళకు సూచించింది.